Plantun de Prouvènço

Pèr coumpara dos planto d'encò nostre

Ceratocephala falcata & Aquilegia atrata

Tas

Ceratocephala falcata

Ranunculaceae

Noms en français : Cératocéphale en faux, Renoncule en faux.

Descripcioun :
Curiouso planto, curious noum aquéu tas que trachis, souvènt en group, dins li meissoun e ermas d'Auto Prouvènço. Lou tas èi pas bèn grand (10 cm), d'un verd clar, emé de noumbróusi fueio en rouseto di proun descoupado en ventau. Li flour soun d'un jaune clar e fan de gròssis espigo (fin qu'à 4 cm) que sèmblon espinouso emé sis akène en formo de daio (falcatus). Flouris d'ouro, tre la debuto de mars.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 12 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Ceratocephala
Famiho : Ranunculaceae

Ordre : Ranunculales

Coulour de la flour : Jauno
Petalo : >6
Ø (o loungour) flour : 2 à 6 mm
Flourido : Printems Ivèr

Sòu : Ca
Autour basso e auto : 0 à 1300 m
Aparado : Noun
Remarco : Arquéofito
Mars à mai

Liò : Meissoun - Ermas - Champ
Estànci : Mesoumediterran à Mountagnard
Couroulougi : Éurasiatico
Ref. sc. : Ceratocephala falcata (L.) Pers., 1805 (= Ranunculus falcatus L., 1753 )

Galantino(-negrinello)

Aquilegia atrata

Ranunculaceae

Àutri noum : Aglantino, Gant-de-pastresso, Erbo-de-Nosto-Damo.

Nom en français : Ancolie noirâtre.

Descripcioun :
La galantino-negrinello es uno poulido planto que trachis au nostre subretout en basso mountagno. Pèr la destria de si cousino fau regarda lis estamino dóu dedins que dèvon pas s'acaba en pouncho (un pau redouno-fotò). En mai d'acò aquéstis estamino despasson li petalo de mai de 3 mm. Après li flour soun mai founso e un pau pu pichoto qu'encò de Aquilegia vulgaris. Pensa de coumpara en quichant sus la flècho verdo aqui souto.

Usanço :
Poudèn pensa qu'a li mémi prouprieta que Aquilegia vulgaris.